*आपरली मारवाड़ी* *और गाँव की डोकरी*
*झुंझुनू धाम* स्यु एक डोकरी *जयपुर* जाबा आळी *बस* में बैठी अर् कंडक्टर स्यूं बोली बेटा *चौमू* आ ज्यावे तो म्हाने बता दीज्ये. कंडक्टर बोल्यो ठीक है माता जी बता दे स्यूं.
*सीकर* आयो तो डोकरी बोली ए बेटा *चौमु* आ गो के?
कंडक्टर:- माता जी हाल कोणी आयो आ सी तो मैं बता दे स्यूं..
थोड़ी देर बाद *राणोली* कन्ने सी डोकरी फेर बोली बेटा *चौमु* आ गो के.
कंडक्टर:- माता जी मैं थाने बता दे स्यूं थे बार बार मत पूछो.
*पलसाना* आयो तो डोकरी होले सी बोली ए बेटा *चौमु* आ......
कंडक्टर ने झ्हाल आबा लागी बोल्यो रे डोकरी बोली बाली कोणी रई जै तेरै श्यूं.किती बार कह दियो मैं बता दे स्यूं...
डोकरी बेचारी चुप हो र बैठगी..
*रिंगस* कन्ने सी डोकरी होलै सी फेर बोली ए बेटा.......
अर् कंडक्टर लाल पीलो हो र डोकरी नै हड्काई तू क्यूं मेरी जान खाबा लाग री है तन्ने कित्ती बार के दियो अब कै बोली तो बस स्यूं नीचे उतार दे स्यूं..
डोकरी बेचारी फेर बैठ गी.
*गोविन्दगढ* मैं सवारियां कीं ज्यादा ही अर् बस ठसा ठस भर गी कंडक्टर टिकट कतबा लाग गो अर् चोमू निकल गो. बस *जयपुर* कै कन्ने सी पुगन आळी होगी तो डोकरी स्यूं कोणी रयो गयो बोली बेटा झाल मत करी *चौमु,*आयो कोणी के.........
अर् अब बस गी सारी सवारियां कंडक्टर कै सर पै चढ गी "आ बापड़ी डोकरी कद गी तन्ने कह री ही फेर भी तूं इनै *चोमू* आयो तो बताई क्यूं कोनी.. अब बस नै पाछी मोड.
बेचारो कंडक्टर के करतो. बस पाछि मोडी, *चौमु* आयो अर् बोल्यो डोकरी अब तावली सी उतर ले चौमु आ गो..
डोकरी झोले में स्यूं दवाई की शीशी काडी, दवाई ले र पानी पियो अर् बोली अब चलो..
कंडक्टर बोल्यो तन्ने अठै उतरणो कोनी के?
डोकरी:- उतरणो किने है. मेरो बेटो मन्ने आ दवाई समझा र भेजी ही कै जद *चौमु आ ज्यावै तो आ दवाई ले लीजै.. म्हाने तो *जयपुर* जाणो है भाया.....
☝
