फटाका रो जुगाड़ ,
मिनी लड. ,
किशन बम ,
जमीन चक्करो ,
टिकडियां री डब्बी ,
पिस्तौल रा फटीडा ,
भींत फटाका ,
डब्बा बम जुगाड़ ,
हन्टर , तारा ..
आंगणां मे लाल गैरू , सफ़ेद खडी रा मान्डणा ,
पीली मुंडिया माटी गाय रे गौबर रो नवो लिपणो ,
बास गुवाडी रा किवाडिया री मरम्मत ,
घर मायने नवा धान रा ढिगला ,
भरियोडा कोठार , मूँग , मोट , तिली , ज्वार ,बाजरी ।
नवा धीणां , गाय भैंस री बली ..
बाड़ा मे चारा रा पचोला , हरियो चिपटो ,
भाबू रे हाथरी लापसी , बीणज ।
शाम पडियां दिवाली री पूजा ...
मोहन माराज रा मिन्तर ...
भाईपा रो पोल मे भैलो रैवणो ,
जोग माया ने लिछमी जी री पूजा ।
दादा , दादी , काका काकी , गाँव रा सब घरां मे जायने तलेम करना ... आशीर्वाद ने मिलता मैल मालिया , हार मीटा मून्डा ...
गाय भैस्यां बलदां रा हिनान , हिगडा रंगणा , धौली गायां रे माते लाल छपका , मांटी री सील सूँ ...
नवा घटूलिया , टंचोयोडी घट्टिया ... राबोडी , मोगर , बडियां रो जुगाड़ ..
नवी पगरिकियां ,
नवो बन्डो ,
नवी जंगडी ...
काकड रा घुप अन्धेरा रे बीच आयोडा गाँव रा टिमटिमाता दिवा ...
एडी दिवाली पाछी आइज कोनी ...
कोई टिप्पणी नहीं:
एक टिप्पणी भेजें